djsteven625 on Xanga

Weblog

Sunday, 20 July 2008

「平衡木」的「青春精神」

上個星期六去咗睇『黃昏音樂會』, 其實每年我都有出席喱個活動嘅習慣 , 因為通常表演嘅歌手都會包括大部分應屆新聽力嘅參加者 , 亦都因為喱個原故 , 可以先了解一吓佢哋嘅現場感覺 , 尤其今年新聽力有咁多新歌手 (有D我真係聞所未聞噢!) , 但求先睹為快呀 !
講到今年, 有一首令我好意外嘅作品 ... 就係由陳佳同埋李芷君合唱嘅「平衡木」, 記得第一次聽喱苜歌 , 係喺我駕駛途中聽Heiman個節目聽到 , 第一直覺就覺得好清新以及好青春 , 係喱個大家都諗緊點樣去將音樂貼緊香港、台灣嘅同時, 竟然有一首原創都不得了嘅歌 , 真係幾好呀! 而因為工作關係 , 細讀完歌詞之後對喱首歌多咗一份了解 , 就係一種青年人嘅「青春精神」, 年青人總有一團火 , 無論挫折滿途、又或者係困難重重 , 都有一種當係一摏小事嘅能力 , 總之就係不停步向前衝 , 希望喱兩個主唱者都可以堅持喱份精神 , 推動澳門原創音樂啦!!大家支持支持啦~
(以上言論不代表tdm立場)
歌詞如下:
就算笑著說太多冷暖
人情是非早已經在運轉
難得天生我愛不糾纏
仍是要收拾凌亂
遊移在兩端無奈被看穿
如何振作復原
平衡木太短遲早有天迫出界線
到底可否今天講再見
並未忘記當天那些名言
並未忘那日被提點
資質相差太遠天真得不聽勸
寄望有日如願彈跳飛天轉
就是重新將一切都還原
未換來不倒的自尊
先努力不抱怨得分可不計算
試著按著平衡木翻幾圈不願斷
試著按著平衡木翻幾圈放任轉賣力轉
他朝我躍上天際或有一天
仲未算完路或遠
現實或會心酸
我還信那一天面前落滿光線
謝幕如企在荒野的平原
望著迎風的出發點
歡呼聲不太遠鼓掌聲不太短
繼續按著平衡木翻幾圈不斷轉

Thursday, 17 July 2008

┌夕陽工業下之苦與樂┐

hello ! 各位好,由今日起我就開始經營人生第二個blog , 希望可以寫得長啦 !!
誠意一句 : 歡迎光臨笑淫淫 !!
第一篇blog , 講吓我嘅工作啦 , 由2005年6月6日開始加入tdm澳門電台 , 一開始嘅時候係好期待 , 畢竟dj係我人生入面其中一個夢想 , 係起返工初嗰段時間真係有小小覺得 "high high哋" 同埋 " 輕佻佻" , 不過做吓做吓覺得有d唔對路 , 因為電台廣播業算係一項嘅夕陽工業 , 根據knowladge yahoo解釋 : 夕陽工業係指 :『夕陽工業是指某個工業的發展已經到了盡頭，技術層面無法再向上提昇，很難再回到以前曾經輝煌的日子，甚至會逐漸沒落消失。』嘩!!!頂頂頂...中曬 , 講到要資訊 , 廿世紀之後嘅人都係靠internet 、講到要娛樂 , 廿世紀之後嘅人都係睇電視 , 而電台永遠都係一個次選。諗返轉頭都幾驚 , 驚成為夕陽工業下嘅遺產 , 變成一文不值 , 老實講 , 係喱幾年入面真係有諗過轉工 , 因為電台廣播近五十年嘅發展都係冇發展 , 都係靠聲音打天下 , 唔似得電視可以玩高清 , internet可以玩互動 , 但係點解係三年幾之後嘅今日 , 我依然係dj steven呢? 應該係生活係喱個夕陽工業之下嘅快樂喇!
快樂係因為有聽眾嘅回應 , 記得係上年嘅《澳門青年》, 我同阿lok多次玩到冇嘢好玩 , 試過寫咗 "啟動七月天"廣播劇 , 反應幾好好自豪 , 好多聽眾都叫我添食 , 可惜因為電台要攪show嘅關係 , 冇咗 , 之後仲試過去on stage個band房到玩大合唱"放假大曬" , d聽眾話我哋唱歌好好聽 , 可惜因為阿lok要掉去電視台做一姐 , 所以連我哋都折埋伙 , 最後佢係一跳(有聽上年澳門青年嘅人會明架!)之後就分道揚鑣 , 宜家主持係 "狂吻" (個名我改架!正嗎?)
好多次想放棄或者想求其hra咗個節目佢嘅時候 , 我都會諗起一班依然支持緊喱個夕陽工業嘅聽眾大哥大姐...因為您哋一次又次咁令我知道無限好!! (您哋仲包括一班好同事)